عروسة جديدة وعلى وش جواز، يبقى أكيد
نفسك إن بشرتك تكون ناعمة ونضرة مش كده وبس، ده أنتِ أكيد نفسك كمان
تتخلصي من الأماكن الغامقة الموجودة في بعض أجزاء الجسم..وأكيد طبعاً
عمّالة تسألي أصحابك،
وكل ما تسألي حد يقول لك إن المركز الفلاني هايل وبيقدّم خدمات هايلة جداً
للعرايس، بس أنتِ خايفة تروحي علشان موضوع التصوير اللي بيحصل في بعض
الأماكن أو لعدم تأكدك من مستوى النظافة اللي ممكن يكون موجود هناك،
بالإضافة إلى أن المراكز دي بتاخد فلوس كتيرة جداً وأنتِ مش عاملة حسابك
عليها..
علشان كده إحنا النهارده هنعرف مع بعض إزاي ممكن إنك تحققي كل ده وأنتِ
قاعدة في البيت من غير ما تروحي أي مركز من مراكز التجميل وتدفعي فلوس
كتير...تعالي نشوف إزاي؟!
حمام البخار لبشرة الوجه
حمام البخار من الحمامات المعروفة جداً لبشرة الوجه، وفايدته إنه بيساعد
على تنشيط الدورة الدموية في البشرة، وبيفتّح المسام وبكده تقدري إنك
تتخلصي من أكبر قدر ممكن من الإفرازات الدهنية والرءوس السوداء اللي ممكن
إنها تكون موجودة على وجهك..
وكل اللي هتحتاجي له:
1- شيح "من عند العطار".
2- مياه.
3- فوطة كبيرة.
الخطوات:
1- سيبي الشيح يغلي في حلة متوسطة الحجم.
2- بعد ما تتأكدي إن المياه وصلت لمرحلة الغليان حطي الفوطة على رأسك
وافرديها كويس وشيلي "الحَلّة" من على النار وقربي وجهك من "الحلة" علشان
وجهك يلاقي البخار اللي طالع من "الحلة".
3- سيبي البخار يتسرب لبشرتك لمدة 10 دقائق، ولو حسيتِ إن بشرتك تعبت من البخار ممكن إنك تريحي شوية وبعد كده ترجعي تاني تكملي.
4- بعد مرور الـ10 دقائق امسحي بشرتك بإسفنجة ناعمة مبلولة بميّه ساقعة.
حمام الثلج لبشرة الوجه
لو كنتِ بتعاني من وجود سواد جامد جدا في المنطقة اللي تحت العين يبقى
عليكِ وعلى حمام التلج، وعلى فكرة حمام التلج منعش جداً للبشرة.
كل اللي هتحتاجي إليه:
قطعة تلج متوسطة الحجم.
الطريقة:
دي مفيش أبسط منها كل اللي هتعمليه إنك تمسكي بقطعة التلج وتمرريها على
وجهك في حركات دائرية سريعة، طبعاً في البداية هتحسي إنك مش طايقة قطعة
التلج بس بعد شوية هتلاقي نفسك مستمتعة جداً، استمري لغاية ما التلجة تدوب
وأول ما تخلصي هتلاقي وشك بقى لونه وردي وهتحسي إنه منتعش جداً.
الحمام المغربي والدلكة لبشرة الجسم
ده أول حمام مفروض إن العروسة تعمله قبل فرحها بيوم على الأقل، وفايدته
إنه بيزيل الخلايا الميتة من الجسم، وبيفتّح مسام البشرة وبالتالي
بيساعدها على التخلص من الحبوب والدهون، وبكده تلاقي بشرتك في منتهى
النعومة والرقة.. بس أهم حاجة لازم تاخدي بالك منها هي إنك قبل الحمام ده
تكوني أكلتِ كويس جداً؛ وده لأن الجسم بيفقد سوائل كتيرة؛ بسبب البخار
والحرارة العالية وبكده ممكن تصابي بالهبوط، ولو حسيتِ في أي لحظة إنك
دايخة أو مخنوقة يبقى روحي بسرعة وافتحي أي منفذ هوا.
وكل اللي هتحتاجي إليه:
1- ماء ساخن جداً.
2- ليفة مغربي خشنة "هتلاقيها في الصيدليات الكبيرة".
3- صابونة مغربي "هتلاقيها في الصيدليات الكبيرة".
4- دلكة سوداني "من عند العطار".
الطريقة:
1- اقفلي أي منفذ للهواء في الحمام "الشباك والباب".
2- جيبي طبق وامليه ميه سخنة جداً وحطي فيه اللوفة المغربي.
3- افتحي الميه السخنة في البانيو على الآخر لغاية ما يبقى فيه بخار جامد في الحمام، وبعدين سدي البانيو واملي نصه من الميه السخنة.
4- اقعدي في البانيو لمدة نص ساعة علشان جسمك يتعرض لأكبر قدر من البخار.
5- هاتي الصابون المغربي وابدئي في فركه بالراحة على جسمك، وده علشان بشرتك ما يحصلش لها التهاب واوعي تجيبي الصابون على عينيكِ.
6- سيبي الصابون على جسمك لمدة 10 دقائق.
7- اشطفي جسمك بالميه السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق.
8- ممكن تستفيدي بالفترة دي في تنظيف الكعبين بالحجر الخاص بالقدمين "هتلاقيه عند العطار".
9- بعد مرور 10 دقائق اشطفي جسمك من الصابون بالميه السخنة.
10- امسكي اللوفة المغربي وابدئي في دعك جسمك ماعدا منطقة الوجه بشكل
دائري، أثناء دعك جسمك هتلاقي إن الخلايا الميتة في الجسم بتتشال وبتقع
على الأرض بمنتهى السهولة.
11- اشطفي جسمك كويس بالميه السخنة، واوعي تسمعي كلام أي حد يقول لك إنك
تستخدمي عطور أو أي مستحضرات تجميل أو كريمات في الحمام المغربي؛ لأن كل
الحاجات دي فيها مواد كيميائية ممكن إنها تضر بشرتك.
12- ممكن إنك تعملي سويت لجسمك بعد ما تخلصي الحمام المغربي.
13- هاتي الدلكة السوداني "هتلاقيها عند العطار" وابدئي في فرك جسمك كله
بيها، والدلكة دي عبارة عن عجينة من مكونات عطرية وأعشاب وأخشاب ثمينة،
كخشب الصندل وبعض أنواع الفواكه مثل مهروس قشر البرتقال أو الليمون،
بالإضافة إلى مسحوق الذرة والترمس، تُمزج هذه المكوّنات مع زيت السمسم أو
زيت الزيتون؛ للحصول على عجينة شبيهة بالصلصال يغطى بها كل الجسم، وعلى
فكرة الدلكة دي مهمة جداً؛ لأنها بتكسب الجسم لمعان ولون وردي.
14- سيبي الدلكة على جسمك لمدة ربع ساعة وبعد كده اشطفي جسمك بالماء الفاتر المضاف إليه ماء الورد.
ملحوووووظه هااااامه :: يا بنات الوصفات دى منقوله من حتت مختلفه
انا بس بخلى مسؤؤليتى من اى وصفه تطلع وحشه بس انشاء الله هجربهم كلهم
ــــــــــــــــــــــــــــــــــــــــــــــــــ ـــــــــــــــــــ
نصائح للمرأة القصيرة
بقليل من التمويه والكثير من التنسيق تكتسبين بعض الطول
لندن: «الشرق الأوسط»
«الطول ذهب» مقولة ترددها بعض النساء، سواء الفارعات المزهوات بأنفسهن أو
القصيرات اللواتي يتحسرن على أنفسهن وعلى بخل الطبيعة الجينية عليهن ببضعة
سنتمترات. والطريف أن هذا الإحساس يطفو إلى السطح دائما عند التسوق أو
عندما يتعلق الأمر بالموضة، فكلما رغبت فتاة أو امرأة قصيرة بشراء قطعة
ملابس، تجد نفسها مضطرة في غالب الأحيان إلى تخيلها بعد التقصير أو
التعديل. فإذا لم يكن البنطلون طويلا فإنه سيكون عريضا، وإذا كان الجاكيت
مفصلا عند الخصر، فإنه متدليا عند الأكتاف أو طويلا عند الأكمام وهكذا، ثم
يأتي الدور على الأحذية، فحتى تداري على الأمر، تشعر بأنه لزاما عليها
الاستعانة بكعب عال تعوض به ما ينقصها رغم كل ما يسببه لها من آلام مبرحة.
لكن كل هذا العذاب سببه في الكثير من الأحيان عدم معرفة المرأة القصيرة
ما يناسب مقاييس جسمها، والمحلات التي يمكن أن تجد فيها ما يغذي رغبتها
إلى الموضة. كما تجهل أنها باللجوء إلى بعض الخدع البسيطة يمكنها أن تعطي
الانطباع بالطول وتتجاوز المشكلة بسهولة. السر في هذا هو معرفة أن العملية
نسبة وتناسب، فالجزء العلوي مثلا من الجسم يجب أن يبدو متناسقا في الطول
مع الجزء الأسفل منه حتى وإن تطلب الأمر خلق خدع بصرية باستعمال إكسسوارات
أو التخلص من بعض التفاصيل. هناك العديد من النصائح والخدع التي لخصناها
لك في التالي:
ـ فيما يتعلق بالسيقان القصيرة، مثلا، وحتى تبدو أكثر طولا، يمكن ارتداء
بنطلون مستقيم بلون القميص أو الكنزة على أن يغطي نصف كعب الحذاء، الذي
يفضل أن يكون أيضا بنفس لون البنطلون.
ـ الجاكيت بدوره يجب أن يكون طوله بنسبة معقولة، بحيث لا يكون قصيرا
بتصميم البوليرو أو طويلا يغطي نصف الأرداف، بل يفضل أن يغطي الخصر وينزل
بقليل عن مستوى الحزام. ـ يفضل تجنب الكشاكش والتفاصيل الكثيرة، لأنها
تغرق الجسم وتغطيه بشكل يبرز صغر حجمه، فضلا أنها تشوش المظهر. في المقابل
يفضل أن تكون التصميمات بسيطة وناعمة، بأقل قدر من الكشاكش والإضافات
باستثناء التطريزات الخفيفة، وأن تكون الرقبة على شكل حرف V، لأنها كلما
كانت مفتوحة، كلما أعطت الانطباع بطول الرقبة. ـ المظهر البوهيمي السائد
في الصيف حاليا، على شكل فساتين وتنورات طويلة قد يناسب الطويلات أو
متوسطات القامة، وربما الصغيرات أيضا إذا كن يتمتعن بالنعومة وبشخصية تعكس
الجرأة، لكنها لا تناسب القصيرة المائلة للامتلاء. في هذه الحالة يفضل
اختيار فساتين قصيرة أو بطول متوسط فوق الركبة أو يلامسها. ـ تحقيق المظهر
المناسب لا يحتاج إلى النسب الصحيحة فحسب، فالألوان أيضا تلعب دورا مهما
في هذا الصدد، ويوضح داجمار بوثيه، مستشار الصورة والشكل العام بمدينة
هامبورج، أن التلاعب بدرجات اللون الواحد تجعل الجسم يبدو أكثر طولا، كذلك
ملابس الجينز البيضاء.
ـ يوصي بوثيه بضرورة محاولة تجنب ما يعرف باسم كتلة التلوين، موضحا أن ذلك
يحدث عندما تتنافر الألوان بشكل غير متناسق، كأن ترتدي السيدة كنزة
بالأحمر مع بنطلون أزرق مع عدم وجود لون آخر يربط بينهما. فعندما يحدث ذلك
يبدو الجسم كما لو أنه شطر إلى نصفين مما يبرز قصر القامة.
ـ ينصح بوثيه أيضا بأن يتماشى لون الجوارب مع لون التنورة، فهذا يساعد على أن تبدو الساقان أكثر طولا.
ـ أن ترتدي المرأة الصغيرة الحجم بلوزات بألوان فاتحة مما يجذب الأنظار
إلى الجزء العلوي من الجسم. كذلك اختيار قلادة ناعمة يكون لها نفس
التأثير، مع تجنب الإكسسوارات كبيرة الحجم جدا أو السميكة، لكن يتوقف
اختيار الطول المناسب للقلادة على تناسب مقاييس جسم المرأة.
ـ يشجع جروم السيدات القصيرات على إرتداء الأحذية ذات الكعب العالي، ويقول
إن المشكلة ليست في علوها، بل في جهل العديدات منهن المشي عليها بشكل
صحيح، وبالتالي يشير إلى إمكانية الاستعانة بأحذية بكعب عال للغاية على
شرط تعلم طريقة المشي الصحيحة.
ـ تسريحة الشعر من شأنها أيضا أن تجعلك تبدين أكثر طولا، حيث يفضل ربط
الشعر عاليا ليبدو مثل الكعكة أو تثبيته على شكل شينيون بدلا من تركه
منسدلا.
موضوع: عيزه تظبطى نفسك يوم فرحك تعالى ورايا 
الخميس سبتمبر 01, 2011 12:34 pm