نصايح للمدارس مهمة

ازيكم يا بنات
انا طبعا بقالي مدة كبيــرة ما عملتش مواضيع
بس كنت مستنية فترة العيد تخلص عشان موضوعي يبقي ف ميعاده
ندخل ف الموضوع
انا بدعيلكم من قلبي السنة دي تكون كل واحدة تبقي من المتفوقين
فانا هحاول اجمع ليكم اكبر قدر من النصايح او المشاكل اللي بتواجهنا عامة
-وبتواجه الثانوية العامة خاصة-
نبدأ على بركة الله
الصدق
اول حاجة لازم الطالبة تعملها
انها تكون صادقة مع نفسها مفيش دلوقتي ولا بابا ولا ماما
ولا حد هيقولك انتي كان مفروض ويلومك
لا
انتي هتقعدي مع نفسك قعدة عرب كدا
وتسألي نفسك: انتي مقصرة؟(الاجابة بصراحة)

وكل واحدة عارفة نفسها كويس
لو قلتي: لا .. كويس كملي في طريقك وان شاء الله ربنا معاكي
لو قلتي : اه... كملي الموضوع وربنا معاكي برضه
.........................
الهدف

فيه ناس كثير في الثانوية
مش عارفين يحددوا هدفهم ... مرة طب مرة هندسة مرة صيدلية
مش عارفين ...!
ومرة مفيش حاجة خالص .. انا داخلة الثانوية كدا او اي سنة يعني
لا طبعا لازم يكون عندك هدف
انت دلوقتي مسلمة دينك طبعا ليه حقوق عليكي
اكيد محتاج دكتورة مسلمة ترفع راية الاسلام
محتاج مهندسة مسلمة
مدرسة مسلمة تعلم أطفال العالم مش المسلمين بس يعني ايه اسلام
يبقي هدفنا كلنا هي نصرة الاسلام
ايه هو هدف من المذاكرة والتفوق ان اشوف ناس مسلمه متميزة دايما
نسمع لما حد فيكم ان شاء الله يبقي من اوائل الجمهورية
ويسألوه :: كان ايه هدفك من المذاكرة
يقول(بكل فخر كدا):: انا باحب ديني ونفسي امثله
::::::::::::
أنا فاشلة مش هلحق ومش هعمل ! 4 او 5 او حتي6 شهور وهعمل فيهم ايه!
ناس كثيرة دلوقتي بتقول يالهوي شهور بس ده لو السنة جريت بسرعة يعني
وتعيط انا فاشلة هعمل ايه مش هقدر اجيب مجموع
بكل بساطة المشوار قدامكم ومش تيأسوا
بجد لو ذاكرتكم من دلوقتي اضمن لكم اوائل الجمهورية (ان شاء الله)
المركز الاول كمان
أيوة ياجماعة ركزوا بس وانا هقولكم ازاي؟!
يبقي متفقين ان مفيش يأس ولا حاجة
يبقي عندنا أمل اللي هوا انا ☺وعمر ومحمد ومريم
:::::::::::::::::
طيب بقي هنذاكر ازاي مش بقدر استغني عن التليفزيون والكومبيوتر
والكلام مع صحباتي ف التليفون والرغي

بصوا ياجماعة لازم تفهموا حاجة كويسة أوي
الثانوية العامة دي مش مووت ولا اخر الدنيا
ومعلش انا هتكلم على الثانوية لاني داخلة تانية ثانوي وان شاء الله اوصل لكل البنات الافكار

دي زي اي سنة بل بالعكس دي احسن من اي سنة
5 مواد وبنذاكرهم
يعني لو كل شهر مادة هتدخل الامتحان عشرة علي عشرة
انا بقولكم يعني انها مش صعبة وفي نفس الوقت مش محتاجة كل التوتر والعصابية دي
خدي الامور ببساطة وذكروا
وفي وقت فراغك اعملي اللي انت عايزاه
ان شاء الله تلعبي بلية ودماغة العالية حتي
وصاحبتك دي مش هتيجي تمتحن بدالك
يعني مش ليها لازمة كل الرغي دا وركزي ياقلبي
تلاقيها بتدح من وراكي وتعمل الحركات النص كم دي
:::::::::::::::

نيجي للمذاكرة اللي فات ده دا كان تمهيدي من قبل اي درس يبقي فيه تمهيد
انا بقي عملت كدا

المكان
طبعا مش تيجي في الاوضة اللي فيها التليفزيون
وتقولي اصل انا باحب اذاكر هنا وتقعدي لهم بالمرصاد
صاحب بالين كذاب
وصاحب ثلاثة منافق
يعني اللي بتركز في اكثر من حاجة بيبقي كدا
يبقي اللي تذاكر تذاكر في اوضة بعيد عن الصوت والصورة
طبعا فيه بردو ناس بتحب تذاكر علي السرير
يبقي عندهم مكتب وعندهم هواية المذاكرة علي السرير
مفيش مانع بس بشرط
لو انتب عارف انك لما تذاكرب علي السرير مش هتنامي
ذاكري اوكي
اصل فيه ناس عندها هواية النوم اثناء المذاكرة
فبتريح نفسها وتروح علي السرير علي طول

هههههههههههههه
ــــــــــــــ
الصلاة

كلنا لازم ناكل لو مش أكلنا هنموت
جسمنا بردوا محتاج الصلاة عشان يجدد روحنا
يبقي اللي مش بتصلي تصلي زي الشاطرة كدا
ازاي ربنا هيسعدك وانتي اصلا بتعصيه !
لانه امرك بالصلاة وحضرتك مش نفذتي الامر
لازم تكون علاقتك بربنا كويسة جدا ..وتصلي في مواعيد الصلاة
ومش تقولي
الصلاة ممكن تعطلني عن المذاكرة
لو انتي بتذاكير والاذان بيأذن
سيبي المذاكرة وروحي صلي وقبل لما تذاكري تصلي ركعتين لله عشان ربنا ييسرلك الامور
بجد هتحسي براحة نفسية عجيبة وطاقة اعجب
.......................
أحسن أوقات للمذاكرة
احسن مذاكرة بعد صلاة الفجر مخك بيكون فاضي وهيستقبل حاجات مفيدة جدا
بس طبعا مينفعش تصحي الفجر وتحطي الكتب كلها قدامك وتقولي حادي بادي

لا طبعا ... انتي قبلها بتكوني محددة هتذاكري ايه وهتعملي ايه وتكوني عاملة لنفسك جدول مذاكرة ....


::::::::::::::::::::::::::::
جدول المذاكرة

شرط اساسي ان يكون عندك تنظيم في الوقت
مش العملية عندك عايمة
لازم لازم يكون فيه تنظيم
الجدول ياجماعة لازم لا يتعدي 3 مواد بس
ويفضل مادتين بس اللي عايزة تذاكر 3 وشايفة انها ممكن تنجز
مفيش مشاكل
يبقي اهم حاجة
مثلا جدول كدا
السبت والثلاثاء:: كيمياء وانجليزي
الأحد والاربعاء: عربي ورياضة
الاثنين والخميس :: فرنساوي
بصوا بقي انتم هتعملوا الجدول ازاي ؟!
انتم لازم تذاكروا المادة قبل ما يومها يجي
دلوقتي النهاردة الاحد واخذتي درس العربي ورياضة زي الجدول اللي فوق دا
ووراكي بكره فرنساوي
يبقي هتذاكري فرنساوي وهتحلي رياضة وهتقرأي العربي اللي انت أخذته
بحيث انك يوم لما يجي اليوم اللي هتذاكري فيه العربي تكون عندك فكره عنه
دي كانت بس بعرفكم الجدول بيتعمل ازاي عشان فيه ناس مش بتعرف تعمله!
::::::::::::
اليأس والاحباط

اياكي اياكي والياس!
طيب ياجماعة بالعقل كدا لو قعدنا نعيط علي اللي راح واللي جه واللي مش عارفة ايه ده بالنسبة لو احنا فاتنا حــاجة
دا هيعوض حاجة !
لا طبعا...
ما لا يدرك كله لا يترك كله
زي ما بيقولوا نص العمي ولا العمي كله
اكيد نص العمي
حتي لو باقي علي الامتحان يوم واحد ذاكري فيه ومش تيأسي
سبحان الله في أمرك !
ما يمكن يجي سؤال من اللي انتي ذاكرته ..
::::::::::::::::::::
انتم دلوقتي لو فاتت حاجات كثير مش ذاكرتها اكيد
بعد لما تيجي من اي درس هتريحي مخك كدا نصف ساعة بس طبعا مش تقعدي تتفرج ع فيلم وتقولي بريح مخي كدا بتشتته

يعني تتمشي في الشقة او تقفي تشمي شوية هوا وبعد كدا تذاكري اللي اخذتيه في الدرس او المدرسة وتعملي الواجب بعد ما تذاكري طبعا
وتجيبي حاجة من الدروس القديمة اللي فاتتك وتذاكري منها ع قد ما تقدري ومش تقولي **لا** دي دروس كثير مش هلحق اخلصها
خلي عندك امل اللي هوا انا ☺ ولو ذكرتي كل يوم حاجة من القديمة صدقنيي هتلحقيها بجدارة ...
انا مش بفهم انا بحفظ بس





بصوا مفيش حاجة اسمها انا بفهم بس او بحفظ بس
كل انسان عنده قدرة علي الفهم وقدرة علي الحفظ
هقول للي بيقولوا انا بفهم بس
انتي مش بتحفظ القرآن الي جانب فهمه
بس فيه حفظ ولا لا؟
وهقول للي بيحفظوا
اشمعني فيه قصة لحد دلوقتي بتقولي او حكاية او خبر
انتي حفظتيه ولا دخل قلبك علي طول بالفهم!
يبقي كل واحد عنده مقدرة من الفهم ومقدرة من الحفظ
وكل حاجة لازم تتفهم الاول وبالفهم هتجيبها
::::::::::::
طب اازاي بقي
بصوا ياجماعة
لما تيجوا تذاكروا
هتمسكوا الدرس اللي عايزين تذاكروا وتقرأوه
اول مرة كدا قراءة عابرة مش هتفهموا حاجة
عادي
هتيجيوا بالقلم الأحمر وتحددوا العنوانيين الرئيسية في الدرس
ماشي
وتشوفوا العنوانيين الفرعية
وتحفظوا العنوانيين
بس وتدخلوا بيها الامتحان
هههههههههههههههه
بهزر طبعا
لا انتم هتحفظوا العنوانيين كويس
زي مثلا لو الدرس بيتكلم عن فلسطين
عنوان رئيسي فلسطين عربية
عنوان فرعي لان اصل كنعان والخ........
ماشي فهمتوا
وبعد كدا تقرأوا الدرس خمس مرات
وتحلوا الاسئلة عليه
بلاش اسلوب الدح والحفظ هيتعب دماغكم وخلاص
::::::::::::::::
الأصدقاء
الاصحاب بصوا نصيحة بجد لما تصاحبوا لتصاحبوا ناس في مستواكم لاعلي من مستواكم
اوعوا اوعوا تصاحبوا ناس اقل منكم وتقولوا عشان يبقوا شاطرين
مش وقته تبقي مصلحة اجتماعية
لا .. هي اللي هتشدك لتحت
اما اللي اعلي منك هتاخدك معاه وتبقي متميزة وهتساعدك وتفيدك
ولازم تصاحبي ناس مش خبيثة يعني مش تصاحبي واحدة بتقول مش بذاكر
تلاقي البنت واصحاب ويخبوا علي بعض
ياريت ياجماعة مش تبقوا كدا
اي حد يسأل قولوا الحمدلله احسن من اي حاجة
::::::::::::::::::::::::::::::::::
وهبقي اكمل بعد الفـاصــــل

ياريت اعرف آرائكم ف الموضوع

تسلمى حببتى مشكوره على الموضوع الجميل ده تقبلى منى ارق الامنيات